La filosofia de Movim es de preservar lo mai possible las donadas daus utilizaires. Aquò implica una decentralizacion totala de las donadas e daus comptes.
Marcatz-vos quand voletz ! Movim vos manten en contact emb vòstra familha e vòstres amics quitament si son sus un autre servidor. Vòstras donadas vos seguen sus tots los nòdes Movim qu'utilizatz.
Perque pas participar ? Podetz aisidament installar un nòde Movim sus vòstre servidor pròpi, e èsser liure !
Movim se basa sus lo protocòl XMPP. Emb Movim, seretz pas jamai blocat per un sol provesidor, vòstres contactes de Gmail® e Facebook® seràn totjorn disponibles coma los de WLM®, Yahoo® ...
La platafòrma Movim integra tot çò qu'avetz mestier per vos connectar a vòstre servidor XMPP preferit e comunicar liurament.
Sem fier d'utilizar JAXL, la poderosa biblioteca XMPP per PHP .
Movim utiliza nonmàs daus logiciaus liures e de còdi font dubert, respectuós de la filosofia fondamentala d'Internet (neutralitat, confidencialitat e libertat).
Movim es un projècte entierament liure e jos licéncia AGPLv3 manca un compausant jos LGPLv3 e la GNU FDL per la documentacion.
Movim e sa comunautat son dedicats a promòure l'etica e los ideaus dau logiciau liure.
Movim vòu èsser una platafòrma accessibla e multilingua. Las reviradas dau projècte son fachas per daus volontaris que fòrmen la comunautat.
Venetz nos ajudar per revirar dins vòstra lenga, lo projècte sus queu sit e lo sit web aicí. Si vòstra lenga es pas dins la lista, contactaz-nos si vos plai.
